Baada ya Ukimya Mrefu, The Sowers Kuja na Album Mwaka huu 2016

Lile kundi maarufu la Injili lililowahi tamba sana nchini na kwa sasa limehamishia makazi yake nchini jijini Sydney nchiniAustralia Sowers Group ama SOWERS BAND mwaka huu 2016 linatarajia kuja na album.

Kiongozi wa kundi hilo Mike Matumaini ameiambia Hosanna Kwanza kuwa album hii inatarajia kutoka mnamo Mwezi wa kumi na mbili Mwaka huu wa 2016.

Sowers wakiwa on stage nchini Australia

Mike na mkewe Christelle ambao wote ni waimbaji wa kundi hilo amesema album hii itakuwa ni kwa lugha ya Kiingereza tofauti na ile ya awali ambayo ilichanganya lugha kadhaa ikiwemo Kiswahili iliyochukua sehemu kubwa, Kikongo, Kiingereza na Kifaransa.

Kundi hili lenye asili yake nchini Burundi na Kongo lilitamba sana nchini kwa nyimbo yake UMVA ma SIKIA lilitua nchini miaka ya mwishoni mwa 2000 na kuweka makazi yake jijini Arusha kabla halijahamia rasmi nchini Australia.