UVAAJI WA MAGAUNI MAREFU KATIKA MITINDO

Karibu mpenzi msomaji wa safu hii ya urembo na mitindo .Bila shaka unaendelea vizuri na shughuli za hapa na pale. Msomaji wangu kama ilivyo ada ya safu hii huwa tunazungumzia masuula ya mitindo na urembo na siku ya leo  tutaongelea kuhusu uvaaji wa magauni marefu. Vazi hili linaweza kuwa katika mfumo wa khanga , kitenge ,na pia linaweza kuwa katika vitambaa vya aina tofauti tofauti kama vile vitambaa vya kisukari, tetroni na vile vya mpira.

Vazi hili linaweza kutengenezwa na kitambaa kilichorembwa na maua. Rangi ni miongoni mwa vitu muhimu katika sualaa la urembo na mitindo, pia rangi imekuwa ikitumika kutambulisha baadhi ya watu na maeneo yao

 

Katika vazi letu la leo ambalo ni gauni,  rangi ni kitu cha kuzingatia ili kuweka muonekano mzuri pindi uvaapo gauni lako .Kwa mujibu wa wataalamu wa urembo na mitindo, miongoni mwa rangi zinazo onekana kupendwa na kutawala katika mitindo ya  gauni ni zile za asili kama vile kijivu, bluu, manjano, maziwa, nyeusi, kijani, nyeupe, waridi na nyekundu .Rangi hizo zimeonekana kupendwa sana kutokana na sifa yake ya kuonekana zaidi.

Uvaaji wa vazi hili unaweeza ukavaa na viatu vya  wazi (open shoes), viatu vya  kuziba kote(simple shoes), au viatu virefu(high hills), hapo ni kwa upande wa viatu. Katika kuongeza mvuto zaidi unaweza ukavaa na mkanda (belt) wa rangi yoyote ile na ikavutia kwakuwa rangi zake huwa ni za asilia.

vaazi hili huwa linapendeza kuendana na mwili wa mtu kwakuwa huwa ni marefu hadi chini na yanayoendana na mwili wa mtu (kumshepu  na kuvaa kulingana na utamaduni  na saizi ya mwili wako.

Vazii hili linaweza kuvaaliwa sehemu mbalimbali kama vile ofisini, sehemu za kuabudu, makazini, na hata katika sherehe kwa kuwa humfanya mvaaji kuonekana mwenye mvuto   ni  vizuri kuzingatia hali ya hewa, maadili na utamaduni wako.